Xiaomi 14 dýuým displeýli Pad 6 Max planşetini hödürledi. Öz göwrümi bilen ol, aýratynam, firma klawiaturasyny birikdirseň, noutbugyň ornuny tutup biler. Täze önümiň aýratynlyklary barada kompaniýanyň baş müdiri Leý Szýun jikme-jik gürrüň berdi.
Planşet gurluşy goşmaça zarýad bermezden iki güne çenli ulanmaga mümkinçilik berjek 10 000 mA/s sygymly akkumulýatorda işleýär. 67 Wt çalt zarýad beriş funksiýasy we 33 Wt kuwwatly simsiz ulgam goldawy bar. Mundan başga-da, planşet 50, 20 we 2 Mp kameralara eýe boldy.
Öndürijilige Snapdragon 8+ Gen 1 prosessory jogap berýär. Xiaomi Pad 6 Max birnäçe modifikasiýada elýeterlidir. Iň ýokary wersiýasynda 16 Gb operatiw ýat we 1 Tb içerki ýat göz öňünde tutuldy. Yzky panelde iki modul oturdyldy: esasy – 50 Mp we kömekçi – 2 Mp. Şeýle-de, iki frontal kamera bar: 20 Mp we ýüzi tanamak üçin ToF-sensor.
Xiaomi Pad 6 Max-yň iş stolunda bir wagtyň özünde dört programmany işletmek bolýar. Ekranyň göwrümi Internet torundaky maglumat gözlegini tekst resminamasynda işlemek, wideo tomaşa etmek we elektron poçtanyň täzelenmesi bilen utgaşdyrmaga mümkinçilik berýär.
Planşetiň bahasy 3799 Hytaý ýuanyndan başlaýar.
