32 ýaşly aýdymçy Ed Şiran birdenkä Minnesota ştatyndaky «Mall of America» söwda merkezindäki «Lego» dükanynda peýda boldy. Aýdymçy «Lego» dükanynyň satyjysynyň lybasyny geýdi we çagalara konstruktor oýunjaklaryny saýlamaga kömek etdi.
Şiran «Instagramdaky» sahypasynda çagalara «Lego» oýunjaklaryny we ýadygärlik ýazgyny paýlaýan wideosyny paýlaşdy, şeýle hem ol käbir muşdaklary bilen surata düşdi.
«Men bärde, Minnesotadaky «Mall of America» söwda merkezinde, meniň egnimde bolsa «Lego-nyň» lybasy. Men «Lego» dükanynda konstruktor oýunjaklary boýunça hünärmen bolup işlärin we «Lego House» aýdymyny aýdaryn» diýip, aýdymçy belledi.
Soňra Ed Şiran söwda merkezinde sahna çykdy we «Lego House» aýdymynyň akustik nusgasyny ýerine ýetirdi.
Dowam edýän «Matematika» atly gezelenç çykyşlarynyň çäklerinde Şiran iň garaşylmadyk ýerlerde peýda bolýar. Geçen aýda ol Çikagonyň «The Wieners Circle» hot-dog dükanynyň satuw bölüminde durdy.
Iýun aýynda Ed Şiran «Phonographic Performance Limited» (PPL) aýdym-saz kompaniýasy tarapyndan 2022-nji ýylda Beýik Britaniýanyň iň meşhur aýdymçysy diýlip yglan edildi.
