Hytaýyň Xiaomi brendi tanyşdyryş dabarasyny geçirdi we onda kompaniýanyň esaslandyryjysy we baş müdiri Leý Szýun köp sanly täze önümleri hödürledi. Olaryň arasynda şular bar: Mix Fold 3 smartfony, Band 8 Pro “akylly” sagatlary, Pad 6 Max planşeti we Redmi subbrendiniň täze flagman smartfony – K60 Ultra.
Bu gajet iň kuwwatly prosessorlaryň biri bolan Dimensity 9200+ bilen enjamlaşdyryldy. Smartfon 1,5 K durulykly we 144 Gs kadr ýygylykly AMOLED displeýine eýe boldy. Sowatmak üçin 5000 inedördül mm. meýdany bolan bugardyjy kamera göz öňünde tutuldy.
Täze Redmi K60 Ultra-nyň çyglylykdan we tozandan goragy IP68 halkara standartyna laýyk gelýär. Gurluş 24 Gb operatiw ýada, iň ýokary wersiýasynda 1 Tb fleş-ýada eýe boldy. Akkumulýatoryň sygymy 5000 mA/s.
Kamera optiki we elektroniki durnuklaşdyryş ulgamlary bilen üsti ýetirilen 50 Mp Sony IMX800 sensory bilen üpjün edildi. Wideo barada aýdylanda, gurluş rolikleri 24 FPS kadr ýygylygynda 8K formatda ýazyp biler.
