Iýul aýynyň ikinji ýarymynda dünýä kino prokatyna çykan “Barbi” filminiň prodýuserleri rekord girdejiniň esasynda eýýäm ikinji bölümiň üstünde işläp başladylar. Bu barada “The Sun” gazeti habar berýär diýip, TASS belleýär.
“Barbi” filminiň üstünde işlän topar bilen dowamyny surata düşürmek barada maslahatlaşmak üçin habarlaşyldy. Bu pikir heniz irki tapgyrda, şeýle-de bolsa ýolbaşçylar filmiň dowamy üçin birinji bölümi surata düşüren topary işe çekmek isleýärler” – diýip, gazetde bellenilýär.
“The New York Times” gazeti 6-njy awgustda amerikaly režissýor Greta Gerwigiň “Barbi” filminiň prokatda Warner Bros. kompaniýasynyň beýleki filmlerine garanda 1 mlrd dollary çalt gazanyp bilendigini habar berdi. Munuň üçin baş keşpleri Margo Robbi bilen Raýan Goslingiň ýerine ýetirmeginde surata düşürilen filme 17 gün gerek boldy. Öň, rekord şeýle görkezijä 19 günde ýetmegi başaran “Garri Potter we Ölüm peşgeşi: Bölüm II” lentasyna degişlidi.
