Portugaliýanyň milli ýygyndysynyň we Saud Arabystanynyň “Al-Nasr” toparynyň hüjümçisi Kriştianu Ronaldu “Instagram” sosial ulgamynyň taryhyna girdi. Futbolçynyň abunaçylarynyň sany dünýäde ilkinji bolup 600 milliondan geçdi.
Portugaliýaly futbolçy sosial ulgamlaryny işjeň ösdürýär. 2022-nji ýylyň noýabr aýynda ol 500 million abunaçyny toplady. Ýakyn wagtda Kriştianunyň nobatdaky rekordy goýmagyna garaşylýar.
Beýleki bir meşhur futbolçy Lionel Messi portugaliýaly oýunçydan ep-esli yzda. Argentinanyň milli ýygyndysynyň we Amerikanyň “Inter Maýami” toparynyň hüjümçisiniň “bary-ýogy” 482 million ulanyjysy bar.
38 ýaşly Ronaldu “Altyn topuň”-yň bäş gezek ýeňijisi. Portugaliýanyň milli ýygyndysynyň düzüminde hüjümçi 2016-njy ýylda Ýewropanyň çempiony boldy.
