«HMD Global» kompaniýasy 2,4 dýuýmlyk ekrany bolan täze düwmeli «Nokia 130 Music» smartfonyny tanyşdyrdy.
Telefonyň esasy aýratynlygy – uly dinamiginiň bolmagy. Ol enjamyň arka korpusynda, kameranyň durmaly ýerinde ýerleşdirilipdir.
Dinamikden başga-da, telefonda çyrajyk we «MicroSD» goşmaça ýat karty üçin bölüm bilen üpjün edilendir. Şeýlelikde, onuň ýadyny 32 GB çenli artdyrmak mümkindir.
Smartfon simli we simsiz FM-radiony goldaýar, onuň Micro USB 1.1 porty we 3,5 mm-lik adaty gulaklyklar üçin audiobölümi bardyr. Telefon 1450 mAs sygymly aýrylýan batareý bilen üpjün edilendir. Öndürijiler onuň hereketsiz tertibinde 30 gün, üznüksiz gürleşilende bolsa 20 sagat işlejekdigini belleýärler.
«Nokia 130 Music» smartfon açyk altynsow, gara gök we melewşe reňklerde öndüriler.
