Russiýasynyň täze taryhynda Ýeriň tebigy hemrasyna tarap uçuran ilkinji «Luna-25» apparatynyň Aýa 21-nji awgustda gonmagyna garaşylýar. Bu barada Roskosmosyň ýolbaşçysy Ýuriý Borisow habar berdi.
Onuň sözlerine görä, enjamyň bat alyş tapgyry üstünlikli geçdi. "Indi 21-nji awgusta garaşarys, Aýa gonuş ýokary takyklykda bolar diýip umyt edýärin" - diýip, ol ekipažy gutlanda aýtdy.
Borisowyň düşündirmegine görä, 16-njy awgustda enjam Aýyň orbitasyna girmeli. Umuman alanyňda, missiýa bir ýyl üçin niýetlenendir.
«Roskosmosyň» baş müdiri ekipažyň işi yzygiderli we sazlaşykly ýerine ýetirendigini aýtdy.
Polýar Aýynyň ilkinji suratlary, 11-nji awgustda Wostoçnyý kosmodromyndan goýberilen “Luna-25”-iň awtomatiki stansiýasyndan, ol gonan dessine ilkinji sagatlarda iberiler. Russiýanyň Ylymlar akademiýasynyň kosmos gözleg institutynyň ylmy ýolbaşçysy, Aý programmasynyň birinji tapgyrynyň ylmy ýolbaşçysy akademik Lew Zelýonyý bu barada TASS-a habar berdi.
Awtomatik stansiýada birnäçe kamera oturdyldy. Olar gonuşyň wagtyny, Ýeriň tebigy hemrasynyň HDR panoramasyny we tozanyň çöküşini surata alarlar. "Luna-25" öňünden meýilleşdirilen surata düşüriş işini amala aşyrar, şeýle hem Ýerden berlen buýruk boýunça Aýy surata düşürer.
