6-12-nji awgust aralygynda Belarusda geçirilýän GDA ýurtlarynyň II oýunlarynda iki sany türkmen boksçysy — Ylham Nazarow we Yhlas Bagtyýarow bürünç medal gazandylar.
Ylham Nazarow ýarym orta agram derejesinde (71 kg çenli) azerbaýjanly Ziýa Hasanowdan asgyn gelip, finala çykyp bilmedi, oňa derek ol bürünç medal ugrunda ýaryşda netijeli çykyş etdi.
Şol agram derejede bürünç medaly şeýle hem russiýaly Artýom Kostin eýeledi. Final duşuşygy Hasanow bilen Boltaýewiň arasynda geçiriler.
Ýene-de bir türkmen boksçysy Yhlas Bagtyýarow orta agram derejesinde (75 kg çenli) ýarym final tapgyrynda Farhad Şeýdaýewden asgyn geldi. Bagtyýarow bürün medalyň eýesi boldy.
Bu agram derejesinde beýleki bürünç medaly Russiýadan Iwan Rodionow aldy. Altyn medal ugrunda Şeýdaýew bilen Erkinbaýew bäsleşer.
Ähli agram derejeler boýunça final tutluşyklar 11-12-nji awgustda geçirilýär.
