UFC-niň öňki çempiony Habib Nurmagomedow taryhda iň gowusy diýip hasaplaýan futbol oýny barada gürrüň berdi. Muny championat.com ýetirýär.
“Bu çagalyk arzuwy hasyl bolan ýalydy. Men 1998-nji ýylyň dünýä çempionatynyň finalyna tomaşa etdim, bu Fransiýa – Braziliýa oýny. Men Ronaldunyň ýanyp durmagyna garaşdym. Men oglanjykdym, 10 ýaşymdadym. 24 ýyl geçdi we men dünýä çempionatynyň finalyna düşdüm.
Hawa, men Russiýada finalda boldum, ýöne ol ýerde doly dominasiýa bardy. Fransiýalylar has güýçli gelýärdi. Örän gyzykly, owadan boldy” – diýip, eks-söweşiji 2018-nji ýylda Russiýada geçirilen dünýä çempionatynyň finalynda bolandygyny we onuň gyzykly bolandygyna garamazdan, başga bir oýny saýlandygyny aýtdy.
“2022-nji ýylda geçirilen Katardaky dünýä çempionatynyň finaly hut şu oýnuň meniň üçin taryhda iň gowy oýundygyny görkezdi. Meniň durmuşymda-da bu tomaşa eden emosional taýdan iň gowy oýnum boldy. Meniň tejribämde ol iň gowy oýun bolup galýar.
Gyzyklandyrma, gyzyklandyrma we şowly soňlama. Onuňky [Messiniňki] hindi filmlerindäki ýa-da türk seriallaryndaky ýaly başa bardy” – diýip, Gorilla Fighting Nurmagomedowyň sözlerini getirýär.
Ýatlap geçsek, 2022-nji ýylda geçirilen dünýä çempionatynyň Argentina bilen Fransiýanyň arasyndaky final oýny esasy we goşmaça wagt boýunça 3:3 hasabynda we penalti boýunça 4:2 hasabynda tamamlandy.
