Bloomberg-iň žurnalisti Mark Gurman şu ýylyň sentýabr aýynda iPhone 15 smartfonynyň tanyşdyrylyş dabarasynyň onlaýn görnüşde geçiriljekdigini habar berdi. Oňa tomaşa eder ýaly Apple öz kampusyna birnäçe žurnalisti we blogeri çagyrar, soňra myhmanlara täze modelleri janly görnüşde görkezer diýip, championat.com belleýär.
Ýatlap geçsek, geçen ýyl iPhone 14 smartfonynyň hem anonsy şeýle görnüşde geçirildi. Gurman tanyşdyrylyş dabarasynyň 12-nji sentýabrda geçiriljekdigini, ýöne senäniň üýtgäp biljekdigini hem aýtdy.
Insaýderleriň maglumatlaryna görä, iPhone 15 Pro-nyň bahasy iPhone 14 Pro bilen deňeşdirilende 100 dollar – 999 dollardan 1099 dollara çenli ýokarlanyp biler. iPhone 15 Pro Max bolsa ýene 100 dollar gymmat düşer.
9to5Mac neşiri iPhone 15 üçin deslapky sargytlaryň 15-nji sentýabrda başlamagyna, resmi satuwa goýberişiň bolsa bir hepdeden, 22-nji sentýabrda başlamagyna garaşýar. Takyk maglumatlar tanyşdyrylyş dabarasynda kompaniýa tarapyndan mälim ediler.
