Ýakynda geçiriljek MTV Video Music Awards baýragyna dalaşgärler mälim edildi. Billboard neşiriniň ýazmagyna görä, dalaşgärligiň sany boýunça Teýlor Swift öňdebaryjy boldy. 17-nji martdan bäri altynjy «Eras Tour» konsert tury bilen dünýäni aýlanyp ýören aýdymçy, «Ýylyň artisti» we «Ýylyň wideosy» ýaly esasy kategoriýalar bilen birlikde, jemi sekiz kategoriýada baýraga hödürlendi.
Onuň yzyndan alty ugur boýunça baýraga hödürlenen, SZA ady bilen tanalýan amerikaly soul-aýdymçy Solana Imani Roue (geçen güýzde “Time” žurnalynyň “100 Rising Stars” atly aýdymçy kategoriýasynda birinji orny eýeledi) gelýär. Ondan soň Doja Kat, Kim Petras, Maýli Saýrus, Niki Minaž, Oliwiýa Rodrigo we Sem Smit gelýär, bularyň hemmesi bäş ugur boýunça dalaşgär görkezildi. Blackpink k-pop topary, repçi Diddi we Şakiranyň MTV VMA-nyň baýragyny gazanmak üçin dört mümkinçiligi bar.
Ýylyň wideosy ugry boýunça şu ýyl ýedi wideo dalaşgär görkezildi: Doja Kät Attention, Maýli Saýrus - Flowers, Niki Minaž - Super Freaky Girl, Oliwiýa Rodrigo - Vampire, Sem Smit, Kim Petras - Unholy, SZA - Kill Bill we Teýlor Swift - Anti-Hero.
Dalaşgärleriň doly sanawyny görüp, resmi MTV web sahypasynda halaýan aýdymçyňyza ses berip bilersiňiz. Baýrak gowşurylyş dabarasy 12-13-nji sentýabr gijesi, aşgabat wagty bilen sagat 5:00-da başlar.
