Aktrisa Megan Foks 7-nji noýabrda «Owadan oglanlar zäherli bolýarlar» diýlip atlandyrylýan goşgular ýygyndysyny çykarar diýip, gazeta.ru habar berýär.
Bu «Jenniferiň bedeni» filminiň ýyldyzynyň edebiýat meýdanynda awtor hökmünde ilkinji synanyşygy bolar. Foksuň bu kitabyny çap edýän neşirýat goşgular ýygyndysyna «gorkunç we aýylganç» eser diýip baha berýär.
Täze ýygyndy 80 sany goşgyny öz içine alar. Awtor olary özünde dymmaklyk sebäpli dörän keselden halas bolmak üçin ýazandygyny belleýär. Aktrisa bütin ömrüni erkekleriň syrlaryny saklap geçirendigini, olaryň ýükünden ýaňa bedeniniň agyrýandygyny nygtaýar.
Foks «Owadan oglanlar zäherli bolýarlar» atly goşgular ýygyndysy adamlara bagtlylygyny we özboluşlylygyny yzyna gaýtarmaga ýardam eder diýip umyt edýär.
