Apple korporasiýasy jaňy tamamlaýyş düwmesini ekranyň aşaky üçden bir böleginiň merkezinden iPhone programma üpjünçiliginiň täze wersiýasynda aşaky sag burçuna geçirmekçi. Bu barada CNBC habar berýär.
Ekranyň aşagyndaky merkezde indi FaceTime wideo jaňyna geçmek üçin düwme we paneliň sanlar bilen jaň ediş düwmesi bolar. Korporasiýa dolandyryş elementlerini şeýle ýerleşdirmegiň has oňaýly boljakdygyna ynanýar.
Düwmeleriň täzeçe ýerleşdirilişi sentýabr aýynda, täze iPhone modelleri görkezilenden soň çykjak iOS17 operasiýa ulgamynda peýda bolar. Indi operasiýa ulgamynyň täzelenen wersiýasy synag režiminde gözden geçirilýär. Teleýaýlymyň bellemegine görä, Apple synaga gatnaşýan ulanyjylaryň oňyn däl seslenmeleri bilen ýüzbe-ýüz bolsa, dizaýny üýtgetmekden ýüz öwrüp biler.
