Inýesta soňky 5 ýyl bäri «Wissel Kobe» toparynda çykyş edýär. Ispaniýaly futbolçy ýapon toparynyň düzüminde 134 duşuşyga çykyp, 26 pökgi geçirdi we 26 sany netijeli pas berdi. Şu ýylyň iýul aýynda Inýesta bilen toparyň şertnamasynyň möhleti doldy we ol erkin agent hökmünde topardan gitdi diýip, mail.ru habar berýär.
Inýesta karýerasynyň agramly bölegini geçiren «Barselona» toparynda 32 baýraga eýe bolupdy, şol sanda 4 gezek Çempionlar ligasynda ýeňiş gazandy. Ispaniýanyň milli ýygyndysynyň düzüminde 131duşuşyga çykyp, iki gezek Ýewropanyň we bir gezek dünýäniň çempiony boldy.
«Emireýts» topary Ras-el-Haýma şäherine we emirligine wekilçilik edýär. Geçen möwsümde topar BAE-niň ikinji diwizionynda ikinji orny eýeledi we bir dereje ýokardaky çempionata gatnaşmaga hukuk gazandy.
