Sentýabr aýynda çykmagyna garaşylýan iPhone 15-iň Pro modelleri 2TB fleş ýat bilen elýeterli bolar.
Bu barada Apple-iň bölek şaýlarynyň hytaýly üpjün edijisine salgylanýan MacRumors habar berýär. MacRumors-yň ýazmagyna görä, maglumatlar azyndan iki dürli çeşme tarapyndan tassyklandy.
Mundan başga-da, iPhone 15 Pro we iPhone 15 Pro Max modelleri esasy wersiýalarynda azyndan 256 GB ýady alar. iPhone 14-iň hatarynda iň kiçi ýadyň 128 Gb-dygyny ýatladýarys.
iPhone 15 Pro we iPhone 15 Pro Max 256GB, 512GB, 1TB we 2TB ýady bolan görnüşlerde elýeterli bolar. Bu Apple-iň şu ýyl iPhone 15 Pro modelleriniň bahalaryny ýokarlandyrjakdygy baradaky myş-myşlaryň nireden gelip çykandygyny düşündirýär.
Ondan öň Bloomberg-iň redaktory Mark Gurman we tehnologiýa boýunça analitik Jeff Pu iPhone 15 Pro-nyň bahasynyň 1100 dollardan, iPhone 15 Pro Max -yň bahasynyň bolsa 1200 dollardan başlap biljekdigini aýdypdy.
