Sankt-Peterburgyň «Zenit» topary Azmunyň transferi üçin Germaniýanyň «Baýer» toparyna 5 mln ýewro teklip etmek isleýär diýip, mail.ru habar berýär.
Ozal nemes toparynyň türkmen gelip çykyşly eýranly futbolçy üçin 10 mln ýewro almagy göz öňünde tutýandygy habar berlipdi. «Transfermarkt» saýty bolsa hüjümçiniň derejesine 12 mln ýewrolyk baha berýär.
28 ýaşly futbolçy «Zenit» toparynyň düzüminde çykyş edýärkä 104 oýunda 62 pökgi geçirdi we 23 sany netijeli pas berdi. «Zenitden» başga-da, Azmun Russiýanyň «Rubin» we «Rostow» toparlarynda çykyş etdi. Ol RPL-de jemi 258 duşuşyga gatnaşdy.
Azmun «Baýeriň» düzümine 2022-nji ýylyň ýanwarynda geçdi. Futbolçynyň nemes topary bilen şertnamasy 2027-nji ýylyň ýazyna çenli niýetlenendir. Hüjümçi Lewerkuzeniň futbol toparynda 44 duşuşyga gatnaşyp, 5 pökgi geçirdi we 5 sany netijeli pas berdi.
