Braziliýaly futbolçy«Pari Sen-Žermen» toparyndan gitmek we «Barselona» dolanmak isleýär diýip, gazeta.ru «L'Equipe» neşirine salgylanyp habar berýär.
Çeşmede bellenmegine görä, hüjümçi «PSŽ-niň» prezidenti Nasser Al-Helaýfä tomusky transfer möwsümi ýapylmanka topardan gitmek isleýändigini aýdypdyr. Şeýle hem ol katalon toparyna dolanmak isleýändigini belläpdir.
Täze möwsümiň öňüsyrasyndaky myhmançylyk duşuşyklaryndan soňra Pariže gelen Neýmar we onuň agenti Pini Zahawi topardan gitmek kararyna gelýärler. 31 ýaşly Neýmary maý aýynda öýüniň öňünde janköýerleriň nägilelik çäresi şeýle karara gelmäge mejbur edipdir. Futbolçy özüniň howply ýagdaýa düşüp biljekdigi hakynda oýlanypdyr, çünki şeýle ýagdaý «Barselonada» bolmandy.
Neýmar «PSŽ-niň» düzüminde 2017-nji ýyldan bäri çykyş edip gelýär. geçen möwsümde ol 29 oýunda 18 pökgi geçirdi we 17 sany netijeli pas berdi, emma mart aýynda dabanyndan şikes alandygy sebäpli çykyşlaryny wagtlaýyn bes etmeli boldy.
