Gazagystanyň Almaty şäheri 2026-njy ýylda GDA ýurtlarynyň sport paýtagty bolar. Muny Russiýa Federasiýasynyň Sport ministriniň orunbasary Alekseý Morozow yglan etdi.
"Geňeşiň mejlisinde biz 2025-nji ýylda Azerbaýjanyň Ganja şäherine, 2026-njy ýylda Gazagystanyň Almaty şäherine "GDA-nyň sport paýtagty" adyny bermek barada biragyzdan karar etdik. 2025-nji ýylda Ganja GDA ýurtlarynyň III oýunlaryny kabul eder, şäher türgenler üçin uly baýramçylyk taýýarlaýar, şonuň üçin Ganjanyň tutuş ýylyň dowamynda Arkalaşygyň sport paýtagty diýen ada eýe bolmagy gaty adalatly. 2026-njy ýylda bu status dünýä we yklymara derejede birnäçe gezek iri sport ýaryşlaryny geçiren Almaty şäherine mynasyp görler" - diýip Morozow belledi.
Ýekşenbe güni Azerbaýjanyň Ýaşlar we sport ministriniň orunbasary Mariana Wasilýewa GDA ýurtlarynyň III oýunlarynyň Azerbaýjanyň Ganja şäherinde geçiriljekdigini aýtdy.
GDA ýurtlarynyň II oýunlary 4-nji awgustdan 14-nji awgust aralygynda Belarusyň 11 şäherinde sportuň 20 görnüşi boýunça geçirilýär.
