Şazada Garri we Megan Markl «Kölde görüşeris» atly romany surata düşürmek hukugyny aldylar diýip, gazeta.ru «The Sun» gazetine salgylanyp habar berýär.
Karli Forçunyň bu romany maý aýynda çapdan çykdy we iň köp satylan kitaplar boýunça «The New York Times» neşiriniň düzen sanawynda alty hepdäniň dowamynda saklanmagy başardy. Romanyň sýužeti otuz ýaşly zenan söýgi taryhy bilen baglanyşyklydyr. Onda çagalyk döwründen galan ruhy şikesler, psihiki sagdynlyk we çaga dogurmakdan soňky depressiýa beýan edilýär. Waka Kanadada bolup geçýär. Kitapda şazada Garriniň terjimehalyna gabat gelýän pursatlar hem bar.
Bu romany «Netflix-de» ekranlaşdyrmak üçin «Pengiun Random House» neşirýaty bilen hukuklary satyn almak hakyndaky şertnamanyň bahasy 4 mln dollara ýetip biler. Kitap bu jübütde aýratyn täsir galdyrdy, şonuň üçin hem olar ony «Netflix-de» ekranlaşdyrmak üçin saýladylar diýlip, çeşmede bellenilýär.
