Beýonse Waşingtondaky metronyň işiniň bir sagat uzaldylmagy üçin 100 müň dollar töledi diýip, gazeta.ru habar berýär.
Aýdymçy zenanyň Waşingtondaky konserti howanyň ýaramazlygy sebäpli iki sagat yza süýşürildi. Ol konsert tamamlanandan soňra tomaşaçylarynyň öýlerine metro arkaly baryp bilmekleri üçin metropoliteniň goşmaça bir sagatlyk işiniň tölegini töledi. 100-e golaý metro duralgalary diňe çykalga hökmünde işledi, girelge bolsa «FedExField» stadionynyň ýerleşýän ýeri bolan Morgan bulwarynda işledi.
Häzirki wagtda Beýonse «Renaissance» (Renessans – Gaýtadan döreýiş) atly dünýä boýunça gezelenç çykyşlaryny amala aşyrýar. Bu amerikaly aýdymçy zenanyň dokuzynjy konsert gezelenjidir we ol 1-nji oktýabra çenli dowam eder.
