Sosial ulgamda eplenýän «Xiaomi Mix Fold 3» smartfonynyň ilkinji suratlary paýlaşyldy diýip, gazeta.ru habar berýär.
Suratdan çen tutsak, «Xiaomi Mix Fold 3» smartfonynyň arka gapagy we kamera bolgy dizaýny boýunça özünden öňki nusga meňzeş bolar. Emma onuň kameralarynyň ýerleşişi we şekili tapawutlanyp, «Xiaomi 13 Pro-ny» ýatladar. Şeýle hem smartfonyň «Leica» kamerasy bilen üpjün ediljekdigi mälimdir.
«Xiaomi Mix Fold 3» smartfonynda 4 kamera ornaşdyrylar: esasy sensorly kamera, ultragiňburçly kamera, periskop we teleobýektiw. Şeýle hem ol «Snapdragon 8 Gen 2» çipi, 67 Wt kuwwatly tiz zarýad beriji we 50 Wt kuwwatly simsiz zarýad beriji bilen üpjün ediler.
«Xiaomi Mix Fold 3» smartfonynyň tanyşdyrylyş dabarasy awgust aýynyň aýaklaryna geçirilmeli, emma heniz anyk senesi mälim edilmedi.
