«Xiaomi» kompaniýasy 100 dýuýmlyk «Mi TV S Pro 100» telewizoryny tanyşdyrdy. Ol ýokary derejeli şekil we ses aýratynlygy bilen tapawutlanýar. Mundan başga-da, ol şeýle häsiýetli telewizorlara görä has arzandyr diýip, ITHome portaly habar berýär.
«Mi TV S Pro 100» 144 Gs ýygylykly 4K ekrana eýedir. Ekranyň ýagtylygy 1000 nit-e çenli ýetýär. Şeýle hem telewizor «Dolby Vision» we «Dolby Atmos» formatlarynda görkezip bilýär, «MEMC» we «AMD FreeSync» tehnologiýalaryny goldamagy bolsa wideo oýunlarynda şekiliň has dury hem-de takyk bolmagyny üpjün edýär.
Telewizoryň netijeliligini 4 GB operatiw we 64 GB goşmaça ýady bolan dört ýadroly Cortex-A73 prosessory üpjün edýär. «Mi TV S Pro 100» telewizorynyň Wi-Fi 6 moduly hem-de dürli enjamlary birikdirmek üçin 2.1 we 2.0, USB 2.0 we 3.0 portlary bardyr.
Telewizor häzirlikçe diňe Hytaýda satylýar.
