Kanadaly repçi Dreýk Waşingtonda bir konsertiniň dowamynda 5 mln dollardan gowrak girdeji gazandy we ABŞ-de bir çykyşynda şeýle mukdarda pul gazanmagy başaran ilkinji aýdymçy boldy diýip, gazeta.ru habar berýär.
Çeşmäniň sosial ulgamlara salgylanyp belleýşi ýaly, Dreýk 28-29-njy iýulda Waşingtonaky «Capital One Arena» meýdançasynda her agşam üçin 5,032 mln dollar aldy. Şeýlelikde, ol ABŞ-nyň taryhynda bir konsertde 5 mln dollardan hem gowrak pul gazanan ilkinji repçi boldy.
Konsertiň petekleriniň ortaça bahasy 300 dollara deň boldy, iki konserte jemi 34 müňden gowrak tomaşaçy geldi. Häzirki wagtda Kendrik Lamaryň «The Big Steppers Tour» atly gezelenç konserti 929 müň petek satyp, 110,0 mln dollar gazanydy we taryhda iň köp girdejili hip-hop gezelenç konserti adyna eýedir. Eger Dreýk şeýle depginde dowam etse, onda onuň «It's All A Blur» atly gezelenç konserti bu rekordy täzelär.
