Režissýor Greta Gerwigiň «Barbi» filmi prokata çykmagyndan iki hepde soňra zenan tarapyndan surata düşürilen iň köp girdejili film boldy diýip, gazeta.ru «Hypebeast» saýtyna salgylanyp habar berýär.
Ozal bu rekord 2017-nji ýylda Petti Jenkins tarapyndan surata düşürilen «Täsin zenan» filmine degişlidi. Bu film prokatda 822,8 mln dollar toplapdy. 19-njy iýuldaky ilkinji görkezilişinden soňky hepdäniň dowamynda «Barbi» filmi prokatda 356 mln dollar toplady. 31-nji iýulda filmiň toplan serişdeleri 800 mln dollardan geçdi. Greta Gerwigiň filmi «Galaktikanyň goragçylary – 3» we «Super Mario doganlar kinoda» filmlerinden öňe geçip, 2023-nji ýylyň iň köp girdeji gazanan filmi boldy. «Barbi» filminde baş keşpleri janlandyrýan Margo Robbiniň we Raýan Goslingiň ozalky filmleriniň hiçisi hem prokatda üstünlik gazanmandy.
