ABŞ-da birbada birnäçe aragatnaşyk operatorlary öz işgärlerine 13-nji sentýabrda nähilidir bir smartfonyň anons ediljekdigi barada habar berdiler we şunuň bilen baglylykda olara şol gün rugsat almazlygy haýyş etdiler. Gürrüňiň iPhone 15 barada gidýän bolmagy ähtimal diýip, rg.ru belleýär.
9to5mac portalynyň maglumatlaryna görä, täze gajetiň tanyşdyrylyş dabarasy, hakykatdanam, 13-nji sentýabrda geçirilse, deslapky sargytlary eýýäm 15-nji sentýabrda resmileşdirmek bolar, resmi satuwa bolsa gurluş 22-nji sentýabrda çykarylar.
Bellenilişi ýaly, iPhone 15 birneme egri gyralary we ekranyň has inçe çarçuwalary bilen çykar. Mundan başga-da, bu hataryň ähli modelleriniň Face ID we Dynamic Island kamerasy üçin täzelenen ýer bilen üpjün ediljekdigi, şeýle-de Lightning-iň deregine USB-C aljakdygy bellidir.
