Ispaniýanyň «Barselona» toparynyň baş tälimçisi Hawi fransuz hüjümçi Usman Dembeläniň Parižiň «Pari Sen-Žermen» futbol toparyna geçýändigini aýtdy.
«Dembele meniň ýanyma geldi we gitmek isleýändigini aýtdy. Oňa «PSŽ-den» biziň bäsleşip bilmejek derejämizde teklip gelipdir» diýip, Hawi «Barselonanyň» resmi Twitter sahypasynda ýazgy paýlaşdy.
Dembele «Barselona» 2017-nji ýylyň tomsunda Dortmundyň «Borussiýa» toparyndan 105 million ýewro töleg bilen geçdi. Ol ispan toparynyň düzüminde 185 duşuşyga gatnaşyp, 40 pökgi geçirdi we 43 netijeli pas berdi. Şeýle hem topar bilen üç gezek Ispaniýanyň çempiony, iki gezek ýurduň Kubogynyň we Superkubogynyň eýesi boldy.
Çeşmede «PSŽ» toparynyň 26 ýaşly futbolçy bilen 5 ýyllyk şertnama baglaşandygy bellenilýär.
