Apple kompaniýasy şu ýylyň güýzünde 1,5 mm-lik inçe çarçuwaly iPhone 15 Pro -ny satuwa çykarmagy meýilleşdirýär. Şeýle-de bolsa, abraýly Ice Universe insaýderiniň twitterde ýazyşy ýaly, bu rekord flagman Xiaomi 14 tarapyndan täzelener.
Bloombergiň žurnalisti Mark Gurmanyň ozal habar berşi ýaly, öň Apple Watch bilen iPad-de ulanylýan 1,5 mm beýiklikdäki displeýleri döretmek üçin Apple ozal pes basyşly guýup galyplaýyş (LIPO) tehnologiýasyny ulanar. Ice Universe-iň berýän habaryna görä, Xiaomi Apple-iň flagmany çykan dessine peýda boljak we bu görkezijide täze lider boljak Xiaomi 14 smartfonyny çykarmakçy.
Şeýle-de bolsa, hytaý enjamyndaky çarçuwalaryň näçeräk inçe boljakdygy we haýsy önümçilik tehnologiýasynyň ulanyljakdygy barada habar berilmeýär.
Myş-myşlara görä, Xiaomi 14 2023-nji ýylyň oktýabr ýa-da noýabr aýlarynda hödürlener. Smartfon ekranyň ähli perimetri boýunça simmetrik çarçuwalar, Leica we Snapdragon 8 Gen 3 çipseti bilen bilelikde döredilen flagman kameralary bilen üpjün edilýär. Şol bir wagtyň özünde, enjamyň yzky paneliniň dizaýny, myş-myşlara görä, Xiaomi 13 bilen deňeşdirilende, beýlebir üýtgemez.
