iPhone 15 Pro-nyň we iPhone 15 Pro Max–yň ekranlarynyň çarçuwalary ep-esli inçeldiler diýlip garaşylýar. Bloomberg-iň abraýly çeşmesi bolan Mark Gurman bu üýtgeşmeleriň iPad–e hem degişli boljakdygyny aýtdy.
Ol Apple-iň iPhone 15 Pro-nyň we iPhone 15 Pro Max -yň çarçuwasynyň ölçeginiň 2,2 mm-den 1,5 mm-e çenli inçeljekdigini tassyklaýar. Apple, ozal Apple Watch-da ulanan, pes basyş astynda guýlan galyplar (LIPO) tehnologiýasyny ulanar. iPhone-na LIPO tehnologiýasy ornaşdyrylandan soň, Apple-iň bu aýratynlygy iPad-e hem girizmegi maksat edinýändigi aýdylýar.
Bu ýyl iPhone 15-iň hataryndaky iň uly üýtgeşmeleriň ikisi Apple-i arzuwlardaky iPhone -na ýakynlaşdyrar. Adaty iPhone 15 modellerinde wyýomka Dynamic Island bilen çalşylar, şol bir wagtyň özünde Pro we Pro Max displeýleri bolsa täze tehnologiýa ulanmak arkaly öndüriler: pes basyş astynda guýlan galyplar ýa-da Apple -iň öz içinde atlandyrylyşy ýaly LIPO.
Bu täze amal displeýiň töweregindäki çarçuwany 1,5 mm çenli kiçelder (häzirki iPhone-larda takmynan 2,2 mm-den aşak). LIPO ilkinji gezek Apple Watch Series 7 -de enjamyň çarçuwasyny has inçeltmek we ekrany ulaltmak üçin peýdalanyldy. Maňa Apple-iň bu aýratynlygyny ahyrda iPad-e hem geçirmegi meýilleşdirýändiklerini aýtdylar» - diýip Mark Gurman belleýär.
iPhone 15 -iň şu ýylyň sentýabr aýynda hödürlenmegi ähtimal.
