Pakistanyň täze ýörite maýa goýumlaryny ösdürmek geňeşi (SIFC) Pars aýlagynyň arap ýurtlaryna maýa goýumlary, şol sanda TOPH gaz geçirijisiniň taslamasy bilen teklip ediljek milliardlarça dollarlyk 28 sany ileri tutulýan taslamany tassyklady.
Bu ädim, Pakistanyň ykdysadyýetiniň energiýa çeşmeleri barada hemişe gyzyklanýan bu taslamanyň durmuşa geçirilmegine güýçli itergi bermek isleýändigini aňladýar diýip, ORIENT habar berýär.
2023-nji ýylyň iýun aýynda Pakistan Türkmenistan bilen bilelikde TOPH taslamasyny tizleşdirilen ýagdaýda durmuşa geçiriş meýilnamasyna gol çekdiler. Şol dabarada çykyş eden Pakistanyň Premýer-ministri Şahbaz Şarif Türkmenistan-Owganystan-Pakistan-Hindistan gaz geçirijisiniň sebitiň gülläp ösmegi üçin örän möhüm taslama bolup durýandygyny we sebit hyzmatdaşlygynyň täze döwrüni aňladýandygyny aýtdy. «TOPH-yň durmuşa geçirilmegini çaltlaşdyrmak üçin ähli tagallalary ederis»,-diýip Şarif nygtady.
SIFC-iň ileri tutulýan taslamalaryň sanawyny tassyklamagy, esasan Katardan, Saud Arabystanyndan, Birleşen Arap Emirliklerinden we Bahreýnden energetika, azyk we oba hojalygy we maglumat tehnologiýasy meýilnamalaryny durmuşa geçirmek üçin maýa goýumlaryny çekmäge gönükdirilendir.
