Ýewropanyň Futbol Assosiasiýalarynyň Birleşiginiň (UEFA) Klublaryň işi boýunça maliýe gözegçiligi komitetiniň (CFCB) birinji palatasy Italiýanyň “Ýuwentus” futbol klubuny 2023/24-möwsüminde guramanyň howandarlygynda geçirilýän ýaryşlardan çetleşdirmek kararyna geldi. Bu barada UEFA-nyň metbugat gullugy habar berýär diýip, TASS belleýär.
CFCB “Ýuwentus” ygtyýarnama we maliýe feýr-pleýiniň düzgünlerini bozdy diýen netijä geldi. Şeýle-de, klub 10 mln ýewro möçberinde goşmaça töleg tölemeli, ýene 10 mln ýewro şertlidir.
Maý aýynyň ahyrynda “Ýuwentus” 2022/23-möwsüminde Italiýanyň çempionatynda maliýe galplyklary sebäpli 10 utukdan mahrum edildi. Möwsümiň jemi boýunça topar milli birinjilikde ýedinji orny eýeledi, topar 2023/24-möwsüminde Konferensiýalar ligasynyň saýlama oýunlarynda oýnamalydy.
