2024-nji ýylyň sentýabr aýynda Moskwada geçiriljek Dostluk oýunlaryna 5 müňden gowrak türgen gatnaşar, ýaryşyň maksatnamasy sportuň 27 görnüşini öz içine alýar. Bu barada TASS-yň penşenbe güni beren habarnamasynda aýdylýar.
"5 müňden gowrak türgen, sportuň 27 görnüşi: 22 olimpiýa we 5 olimpiýa däl. Basketbol, 3x3 basketbol, BMX-fristaýl, boks, göreş, ýeňil atletika, dagda tigir sürmek, stol tennisi, suwda ýüzmek, kenar woleýboly, çeper gimnastika, gaýa dyrmaşmak sporty, tennis , taekwondo, agyr atletika, breýking, dzýudo, padel, kenar futboly, sport gimnastikasy, suwa bökmek, sinhron ýüzmek, skeýtbording, küşt, sport programmirlemesi, gylyçlaşmak, akrobatik rok-n-roll. Açylyş we ýapylyş dabaralary Moskwada, programmalaryň bir bölegi - Ýekaterinburgda geçiriler "-diýip habarnamada aýdylýar.
16-njy iýunda RF-iň Prezidentiniň ýanyndaky Bedenterbiýäni we sporty ösdürmek boýunça geňeşiň sekretary Marat Filippow prezident Wladimir Putiniň 2024-nji ýylyň sentýabr aýynda ilkinji tomusky Dünýä dostluk oýunlaryny geçirmek barada karar kabul edendigini habar beripdi. Tomusky Dostluk oýunlaryny dört ýyldan bir gezek geçirmek meýilleşdirilýär.
