Samsung kompaniýasy Seulda geçirilen «Galaxy Unpacked» sergisinde Eplenýän «Galaxy Z Flip 5» smartfonynyň täze nusgasy bilen tanyşdyrdy. Oňa girizilen täzelikleriň esasylarynyň biri hem ikinji displeýiniň göwrüminiň ulalmagydyr.
Galaxy Z Flip 5 «Snapdragon 8 Gen» prosessory bilen üpjün edilendir, onuň 256 GB we 512 GB ýady bolan nusgalary elýeterli ediler. Smartfonda 3700 mAs sygymly akkumulýator ornaşdyrylandyr, ol 25 Wt kuwwaty bolan simli zarýad berijiden hem-de simsiz «Qi» zarýad berijisinden energiýa alar.
6,7 dýuýmlyk içki displeý FHD+ durulyga we täzelenen 120 Gs ýygylyga eýedir. «Flip 5» eplenen ýagdaýda 15 mm galyňlyga eýedir, onuň agramy bolsa 187 gram. Onuň 60 Gs ýygylykly we 720×748 durulykly daşky ekrany bolsa 3,4 dýuýma deňdir. Ýagny, ol «Flip 4-iň» daşky displeýinden 4 essä golaý uludyr. Goşmaça ekrandan multimediany dolandyrmak, duýduryşlara jogap bermek mümkindir.
Galaxy Z Flip 5 11-nji awgustda satuwa çykarylar.
