Tomsk politehniki uniwersitetiniň alymlary neýlon matanyň we grafeniň dikeldilen oksidiniň esasynda «akylly» lybaslar üçin täze materialy döretdiler diýip, RIA Nowosti habar berýär.
Gibrid mata ýuwlanda hem özüniň aýratynlygyny saklaýar we elektrik geçiji häsiýete eýedir. Bu bolsa ony sensorly dokma platformalarda peýdalanmaga mümkinçilik berýär.
Tomsk politehniki uniwersitetiniň alymlarynyň bellemeklerine görä, dokma elektronika önümleri uly ähmiýete eýedir, çünki olar deri bilen ýakyn galtaşykda bolýarlar, bu bolsa ýürek urgusyny, gan basyşyny we bedeniň beýleki görkezijilerini gözegçilikde saklamaga mümkinçilik berýän ýeňil hem-de ykjam datçikleri ýerleşdirmäge şert döredýär.
Geçirilen barlaglarda bu matany kümşüň nanobölejikleriniň kömegi arkaly antibakterial häsiýetli etmegiň mümkindigi hem ýüze çykaryldy.
