Grenlandiýanyň günbatar kenaryndaky Innaarsuit obasynyň ýaşaýjylary ägirt uly aýsberg sebäpli ewakuasiýa edildi. Buz iki bölege bölündi we häzir balyk zawodyndan hem azyk dükanyndan birnäçe metr uzaklykda obanyň üstüne abanýar diýip, Bild ýazýar.
Aýsbergiň beýikligi 100 metrden geçýär, agramy bolsa, hünärmenleriň hasaplamagyna görä, 11 mln tonna ýetýär. Ýerli ýaşaýjylar aýsbergi bir hepde mundan ozal gördi. Ilkibaşda akym ony bir tarapa alyp gitdi, ýöne şu hepdäniň başynda ol gaýdyp geldi we indi bütinleý diýen ýaly hereketsiz dur.
Ýerli häkimiýetler adatdan daşary ýagdaýy yglan edip, ýerli ýaşaýjylaryň bir bölegini ewakuasiýa etdi. Ilata seresaply bolmak tabşyryldy, çünki aýsbergiň ýumrulmagy obany basyp biljek güýçli tolkunlara getirip biler.
Şeýle ýagdaý Innaarsuitde 2018-nji ýylda hem boldy. Şol wagt ilatly ýere başga aýsberg ýakynlaşdy we ýaşaýjylar ewakuasiýa edildi. Ýöne heläkçilikden gaçmak başartdy – aýsberg ýüzüp daşlaşdy.
