2022-nji ýylda Ýaponiýada işleýän aýal-gyzlaryň sany rekord 30,35 milliona ýetdi, bu bäş ýyl mundan ozalkydan 1,22 million köpdür diýip, Kyodo agentligi habar berýär. Muny rossaprimavera.ru ýetirýär.
Ýaponiýanyň Içeri işler we aragatnaşyk ministrliginiň maglumatlaryna görä, aýal-gyzlaryň arasynda iş bilen meşgullyk derejesi rekord 53,2%-e ýetdi, bu belli bir derejede çaga terbiýeleýän eneleriň zähmet işini dowam etdirmegi üçin hökümet tarapyndan edilýän tagallalar bilen baglanyşyklydyr.
Şol bir wagtyň özünde işleýän erkekleriň sany 2017-nji ýyl bilen deňeşdirilende 36,71 milliona çenli azaldy, işleýän aýal-gyzlaryň sanynyň artmagy işleýän ilatyň umumy sanyny rekord 67,06 milliona ýetirdi.
Agentlik premýer-ministr Fumio Kisidanyň gender deňligini öňe sürmek boýunça tagallalary işjeňleşdirip, “kapitalizmiň täze görnüşi” syýasatynyň esasy binýady hökmünde aýal-gyzlaryň ykdysady garaşsyzlygyna ýardam etmäge wada berendigini ýatlap geçýär.
Geçen aý hökümet geňeşi 2030-njy ýyla çenli Tokionyň fond biržasynda baha kesýän öňdebaryjy firmalarda müdirler geňeşiniň zenan agzalarynyň paýynyň 30%-e çenli artdyrylmagyny öz içine alýan aýal-gyzlaryň hukuklaryny we mümkinçiliklerini giňeltmek maksatnamasyny tassyklady.
