«Barselona» futbolçylaryň keseli sebäpli «Ýuwentus» bilen duşuşygyny goýbolsun etdi

  • 23.07.2023 23:31
  • 17k+

«Barselona» toparyň içinde wirusly gastroenteritiň ýaýramagy sebäpli «Ýuwentus» bilen geçirmeli dostluk duşuşygyny goýbolsun etmeli boldy. Bu barada «Lenta.ru» «Marca» neşirine salgylanyp habar berýär.

Täze möwsüme taýýarlyk maksatly dostluk duşuşygy 23-nji iýulda ABŞ-de geçirilmelidi. Emma toparyň düzümindäki 15 oýunçy ýürek bulanma we iç geçme sebäpli myhmanhanadan çykyp bilmediler. Oýny goýbolsun edendigi üçin «Barselona» ony guraýjylara 2 million ýewro tölemäge mejbur boldy.
Ýeri gelende bellesek, «Barselona» 27-nji iýulda «Arsenal» bilen hem dostluk duşuşygyny geçirmelidi. Duşuşygyň geçirilip-geçirilmejegi heniz belli däl.
Ispaniýanyň çempionatynyň täze möwsümi 11-nji awgustda başlanýar. «Barselona» bolsa çempionatyň häzirki çempionydyr.


düýn 19:29
6.6k+

Son Hyn Min «Tottenhemden» gidýändigi barada habar berdi

Londonyň “Tottenhem” futbol klubunyň hem-de Günorta Koreýanyň milli ýygyndysynyň hüjümçisi Son Hyn Min iňlis toparyndan gidýändigini mälim etdi. Klubuň kapitany tomusky transfer döwründe topar bilen hoşlaşar diýip, Sky Sports habar berýär...

düýn 17:43
5.3k+

UEFA Çempionlar ligasynyň finalynda janköýerleriň başbozarlygy üçin “PSŽ-ä” jerime saldy

UEFA “Pari sen-Žermen” klubuna Çempionlar ligasynyň finalynda klubuň janköýerleriniň özüni talabalaýyk alyp barmandygy üçin 148 müň ýewro jerime saldy. Bu barada Sport.es neşiri habar berýär. Final oýnunda fransuz kluby Milanyň “Interini” 5:0 hasabynda utup, ilkinji gezek Ýewropanyň esasy klub ýaryşynyň ýeňijisi boldy...

düýn 17:41
2.1k+

Erling Holand “Time” žurnalynyň daşynda peýda boldy

Angliýanyň “Mançester Siti” futbol klubunyň we Norwegiýanyň milli ýygyndysynyň hüjümçisi Erling Holand “Time” žurnalynyň daşynda peýda boldy. Futbolçy neşiriň täze sanynyň daşyny X sosial ulgamynda paýlaşdy. Suratda Holand ellerini kellesiniň yzynda goýan görnüşde dur we “GOLA GÖNÜKDIRILEN” (GOAL ORIENTED) ýazgysy bar...

düýn 14:25
2k+

“Liwerpul” “Alisa täsinlikler dünýäsinde” ertekisiniň stilindäki wideo bilen täze eşigini tanyşdyrdy

Angliýanyň “Liwerpul” futbol kluby 2025/26 möwsümi üçin öýde we myhmançylykda ulanyljak eşik toplumyny hödürledi. Ol Adidas bilen hyzmatdaşlyk dikeldilenden soň ilkinji toplum boldy. Klub eşigini “Alisa täsinlikler dünýäsinde” ertekisiniň äheňinde düşürilen wideoda görkezdi...