4-nji iýulda onlaýn ýagdaýda Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň 23-nji mejlisi Hindistanyň premýer-ministriniň ýolbaşçylygynda geçiriler.
Geňeşiň 23-nji mejlisiniň esasy resminamasy Deli jarnamasy bolar. Şeýle-de, sebitiň howpsuzlygyny, ykdysady ösüşi, medeni we ynsanperwer alyş-çalşygy üpjün etmek bilen bagly möhüm kararlar kabul ediler we ara alnyp maslahatlaşylar.
Şanhaý Hyzmatdaşlyk Guramasy dünýädäki iň uly sebit guramasydyr. Oňa Russiýa, Hindistan, Gazagystan, Hytaý, Gyrgyzystan, Pakistan, Täjigistan we Özbegistan girýär.
ŞHG-niň 23-nji sammitinde Eýran Yslam Respublikasy täze agza hökmünde guramanyň işine dolulygyna gatnaşar.
Türkmenistan ýokary derejede, ŞHG-niň sammitlerine hormatly myhman hökmünde yzygiderli gatnaşýar.
