Şakira “People en Espaňol” žurnalynyň “50 sany iň owadanlaryň” reýtinginde birinji orny eýeledi. Neşiriň belleýşi ýaly, “Şakira Žerar Pike bilen aýrylyşandan soň başdan geçiren şahsy dawalaryna garamazdan, ýene-de bir gezek üstünligiň çür depesine ýetmegi başardy – Bizarrap bilen meşhur aýdymyny ýazdy, Billboard tarapyndan “Ýylyň zenany” diýlip atlandyrylan ilkinji latyn amerikaly boldy, Ginnesiň 14 rekordyny täzeledi”.
Indi aýdymçy titul bilen bilelikde öz heýkeliniň hem eýesi bolar diýip, rbc.ru habar berýär. Alty metrlik ýadygärlik artistiň doglan ýeri bolan Kolumbiýanyň Barrankilýa şäherinde oturdylar. “Biz Şakirany tanamaga çalyşýarys we Barrankilýanyň ýaşaýjylarynyň bu medeni ýadygärlige buýsanyp bilmegini isleýäris” – diýip, şäher häkimi Haýme Pumareho “People en Espaňol” bilen söhbetdeşlikde aýtdy.
Beýikligi alty metr we doly derejede bürünçden bolan ýadygärligi heýkeltaraş Ino Markesiň taýýarlajakdygy bellenilýär. Onuň oturdyljak ýeri ýerli ýaşaýjylar tarapyndan ses bermek arkaly saýlanar.
Şeýle-de, “50 sany iň owadanlaryň” reýtingine şular girdi: Mark Entoniniň öňki aýaly aýdymçy Jennifer Lopez we häzirki aýaly Nadýa Ferreýra, Ýewa Lengoriýa, aktrisa Ana de Armas, aktýor Pedro Paskal, aýdymçy Karol G, futbolçy Lionel Messi we onuň aýaly Antonella Rokusso, repçi Bad Bunny we asly latyn amerikaly bolan beýleki meşhurlar.
