Illinoýs amerikan ştatyndan Rokki atly köpek dünýäde iň uzyn it diliniň eýesi hökmünde Ginnesiň dünýä rekordyny goýdy. Bu barada NY Post habar berýär diýip, gazeta.ru belleýär.
9 ýaşly bokseriň diliniň uzynlygy 5,46 dýuýma (13,86 sm) barabar. Rokkiniň eýeleri Bred we Kristal Uilýamslar öý haýwanlarynyň adaty bolmadyk uzyn diliniň bardygyny hemişe bilýärdiler, ýöne Ginnesiň rekordlar kitabyna öňki rekord eýesi, Moçi atly itiň ölendigini bilenlerinden soň ýüz tutmak kararyna gelýärler.
Itiň hojaýyny ýüz tutmak prosesiniň dowamly we ýadadyjy bolandygyny aýdýar. Ilki Rokki weterinara äkidilýär we onuň dilini birnäçe gezek ölçeýärler, şondan soň maglumatlar Ginnesiň rekordlar kitabyna iberilýär. Birnäçe aýdan soň itiň dilini ýene bir gezek ölçemek üçin guramadan hususy weterinar, lukman Bernard Blim iberilýär.
Rokkiniň dilini fotograflaryň we wideooperatorlaryň gatnaşmagynda ölçediler diýip, Kristal Uilýams aýdýar.
Lukman Blim rekordy hasaba alyp, Rokkiniň öz titulyna hakyky mynasyp it bolandygyny belledi.
Ýakyn wagta çenli iň uzyn it dili üçin dünýä rekordy Zoi atly ite degişlidi. Onuň diliniň uzynlygy 5 dýuýma (12,7 sm) barabar.
