Şereketiň resmi hasabatyna görä, Ýaponiýanyň öňdebaryjy Toyota awtoulag öndürijisi şu ýylyň maý aýynda rekord mukdarda awtoulag öndürdi. Önümçiligiň mukdary 847 müň awtoulag boldy, bu geçen ýylyň degişli döwri bilen deňeşdirilende 33,4% ýokarydyr.
Şeýle hem, maý aýyndaky sanlaryň şu aýda kompaniýanyň taryhynda iň ýokary görkezijidigi bellendi. Awtoulag öndürijisiniň dünýädäki söwdasy hem 10,1% ýokarlandy we 838,4 müň birlige ýetdi.
Toyota-nyň üstünlik strategiýasy netije görkezmegini dowam etdirýär we geçen ýyl kompaniýa golçur kärhanalary Daihatsu we Hino bilen bilelikde üçünji ýyl dünýäde awtoulag satuwynda 1-nji ýeri eýeledi. Satylan awtoulaglaryň umumy sany 10,48 million birlik boldy.
