NASA Aýda tebigy baýlyklary almakçy bolýar. Öňübilen gürrüň kislorod we suw hakda barýar, ahyrky netijede sanawa demir we seýrek toprak elementleri hem girse gerek diýip, Reýter agentligi ýazýar.
ABŞ kosmos gullugy 2025-nji ýyla çenli Artemis missiýasynyň çäginde amerikalylary Aýa gaýtaryp eltmegi meýilleşdirýär. NASA-nyň Jonstondaky Kosmos merkeziniň raketaçy-alymy Jerald Sandersiň pikiriçe, NASA täjirçilik maýa goýumlaryny çekmek üçin energiýa, suw we Aý topragy ýaly potensial çeşmeleri kesgitlemegi meýilleşdirýär.
NASA Aýa synag buraw desgasyny iberer we Aýyň topragynyň (regolit) giň göwrümli gazuw işlerine başlamagy we 2032-nji ýylda synag maksatly gaýtadan işleýän zawody gurmagy meýilleşdirýär.
Ilkinji müşderileriň Aýyň baýlyklaryndan peýdalanyp biljek täjirçilik raketa kompaniýalary bolmagyna garaşylýar. Awstraliýanyň kosmos gullugy 2026-njy ýyldan başlap, NASA missiýasynyň çäginde regolitiň nusgalaryny aljak ýarym awtonom awtoulag öndürmäge gatnaşýar.
Aýyň topragynyň oksidlere baýdygy, gyzdyrylanda kislorod we şuňa meňzeş metallary bölüp çykarýandygy öňden bäri mälimdir. Marsohod Aý topragyny ýygnar. NASA marsohod bilen bilelikde Aýa iberilen ýörite enjamlary ulanyp, regolitden uzak aralykdan kislorod çykarar.
