Tokaý ýangynlarynyň tüssesi sebäpli Monrealyň howasy dünýäniň beýleki megapolisleri bilen deňeşdirilende iň zyýanly howa boldy. Report-yň bellemegine görä, bu barada IQAir gözegçilik agentligi habar berýär.
Hünärmenleriň baha bermegine görä, 25-nji iýunda howanyň gündizki hil görkezijisi 190-a ýetdi (ýokary boldugyça, şonça-da ýaramaz), 26-njy iýuna çenli 158-e düşdi. Deňeşdirmek üçin, material neşir edilen wagty Monreal diňe 162 görkezijili San-Pauludan öňe geçýär. Görkeziji 190 “zyýanly” hasaplanýar, 25-nji senede irden bolsa Monrealda sagatlyk görkezijiler 280-den geçýärdi.
Kanadanyň Daşky gurşaw ministrligi ýaşaýjylary arassa howada gezelenç etmekden saklanmaga we çykmak zerurlygy bolan ýagdaýynda örtük dakynmaga çagyrdy. Açyk basseýnler we sport meýdançalary ýapyldy, açyk howada geçirilmeli köp sanly çäreler, şol sanda konsertler we sport ýaryşlary bolsa ýatyryldy.
Tokaý ýangynlary bilen göreşiji agentlik SOPFEU-nyň maglumatlaryna görä, Kwebekde 80 işjeň tokaý ýangyny hasaba alynýar, olardan käbiri yssy howa sebäpli hasam güýçlenýär.
