2024-nji ýyldan Russiýada reňkli plastik gaplar gadagan edilip bilner. Bu barada Russiýanyň Ekologiýa operatorynyň (REO) çykyşyna salgylanyp, Izwestiýa ýazýar.
REO-nyň başlygy Denis Busaýew Russiýada plastik gaplamanyň bäşe golaý görnüşini gadagan etmegiň meýilleşdirilýändigini, 2030-njy ýyla çenli bolsa gadagan edilen plastik görnüşleriniň sanynyň 20-ä çenli artdyrylyp bilinjekdigini aýtdy. Ol gaýtadan işläp boljak gaplamalara kem-kemden geçmek meýilnamasynyň bardygyny belledi.
Biznesiň bu wakalara uýgunlaşmagy üçin geçiş belli bir döwürde amala aşyrylar. Daşky gurşawyň plastik bilen hapalanmagy häzirkizaman dünýäsiniň iň çylşyrymly ekologiýa meseleleriniň biri hasaplanýar.
Häzirki wagtda Senagat we Söwda ministrligi gaplamanyň dört görnüşini: dürli reňkli “kislota” plastik çüýşeleri, ýylylygyň täsiri astynda şekile gelýän plýonkalary, şeýle-de PWH-den etiketkaly gaplary we eremeýän ýelimli gaplamalary çäklendirmegi teklip edýär.
Edara plastik önümleriniň ählisiniň önümçiligini gadagan etmegiň göz öňünde tutulmaýandygyny, gürrüňiň häzirki wagtda gaýtadan işläp bolmaýan plastik önümlerini dolanyşykdan kem-kemden çykarmak barada gidýändigini belledi.
