«Mortal Kombat 2» filmini surata düşürmek işleri resmi taýdan başlandy. Bu barada filmiň prodýusseri Todd Garner sosial torlarda habar berdi.
Şeýle hem Garner filmi döredijileriň birinji bölümde ýol beren ýalňyşlyklaryna düşünendiklerini we ikinji bölümiň has özüne çekiji bolmagy üçin olary düzetmäge synanyşandyklaryny aýtdy.
«Başladyk! Diýseň tolgundyryjy. Ynanaýyň, biz size gulak astyk hem eşitdik. Ýalňyşlyklarymyzdan sapak aldyk we «Mortal Kombat 2-ni» has täsirli etmäge ymtylýarys».
«Mortal Kombat 2» birinji filmde başlanan sýužeti dowam eder. Ikinji bölümde ähli gahrymanlaryň dolanyp gelmegine, şeýle hem täze ýüzleriň peýda bolmagyna garaşylýar. Şolaryň hatarynda Şao Kan, Jeýd, Sindel, Kitana, Kuan Çi we Jonni Keýj bar.
Režisýorlyga Saýmon Makkuoýd dolanar, ssenarisini Jeremi Sleýter ýazdy.
«Mortal Kombat 2-niň» çykjak senesi heniz belli däl.
