Pakistan Hytaýa we Ýewropa döwletlerine turbageçirijiler arkaly import edilen tebigy gazy suwuklandyrylan görnüşe öwürýän zawodlary gurmagy teklip edýär. Çig mal hökmünde Yslamabat gazy Türkmenistandan import edip almagy meýilleşdirýär. Bu barada “The Express Tribune” habar berýär.
Pakistanyň döwlet nebit ministri Musadik Mäligiň mälim etemegine görä, Türkmenistan ägirt uly gaz gorlaryna eýe bolup, ony turbageçirijiler arkaly Pakistana import etmek meselesi eýýäm ylalaşyldy. Şeýlelikde, Pakistan türkmen gazyny başga ýurtlara hem eskport edip biler.
Şu ýylyň sowuk gyşynda Pakistan Owganystanyň üsti bilen Türkmenistandan suwuklandyrylan gazy import etjekdigini mälim edipdi. Aprel aýynda bolsa, Türkmenistanda öndürilen suwuklandyrylan tebigy gazyň ilkinji tapgyry Pakistana gelip gowuşdy.
Ýakynda Pakistanyň Hökümeti Türkmenistan – Owganystan – Pakistan – Hindistan taslamasynyň bilelikde durmuşa geçirilişini çaltlandyrmak baradaky meýilnamany tassyklady.
