ABŞ-nyň Oba-hojalyk ministrligi Kaliforniýanyň iki kompaniýasyna — Upside Foods we Good Meat kompanialaryna barlaghanada janly guş öýjüklerinden ösdürilip ýetişdirilen towuk etini satmaga rugsat berdi diýip, Associated Press habar berýär.
Agentligiň aýtmagyna görä, bu ädim haýwanlara ýetirilýän zyýany aradan aýyrmaga we daşky gurşawa ýetirilýän täsiri azaltmaga gönükdirilen bolup, et önümçiliginiň täze döwrüniň başlanandygyny aňladýar .
ABŞ-nyň Azyk we derman serişdeleri müdirligi (FDA) olaryň öndüren önümlerini iýmäge ygtybarly hasaplandan birnäçe aý soň, iki kompaniýa hem degişli rugsady aldy.
Şeýle et janly guş öýjüklerini, tohumlandyrylan ýumurtgalary ýa-da ýörite "öýjükli bankalary" ulanyp, polatdan ýasalan ätiýaçlyk çeleklerinde ösdürilip ýetişdirilýär. Ondan soň, önümçilik döwründe öýjük massasy kotletlere, büzmeçlere ýa-da file böleklerine öwrülýär. Good Meat kompaniýasy eýýäm şeýle önümleri satmaga rugsat beren ilkinji ýurt bolan Singapurda satýar.
Şeýle-de bolsa, barlaghanada ýetişdirilen et önümleri dükanlara bu golaýda barmaz, kompaniýalar täze iýmiti ilki ABŞ-nyň restoranlarynda hödürlemegi meýilleşdirýärler. Mundan başga-da, şeýle etiň bahasy fermada ösdürilip ýetişdirilen guşlaryň etiniň bahasyndan ep-esli ýokarydyr diýip, AP belleýär.
Şeýlelikde, barlaghanada ösdürilip ýetişdirilen et indi iki ýurtda - Singapurda we ABŞ-da bar.
