«Kalmar oýnunyň» ikinji möwsüminiň aktýorlar düzümi yglan edildi

  • 20.06.2023 17:08
  • 12k+

Netflix akym hyzmaty "Kalmar oýny" serialynyň ikinji möwsüminiň aktýorlar düzümine bagyşlanan wideo habaryny çykardy. Bu bildiriş platforma ýakyn wagtda durmuşa geçirjek taslamalaryny hödürleýän Tudum tanyşdyrylyş dabarasynyň çäginde edildi.

Wideo, öň yglan edilişine görä, Song Ki-hunyň (Li Çžon Çže) gaýdyp gelýändigini tassyklady. Mundan başga-da, Wi Ha Çžun, Li Ben Hon we Kon Ýu keşplerini ýene-de ýerine ýetirerler. Im Şi-wan (“Ogurlanan şahsyýet”), Kan Ha Nyl (“Mirasdüşerler”), Pak Son-hun (“Ar alyş dabarasy”) we Ýan Don Gyn ("Salgysy näbelli") filmiň täze aktýorlarydyr.
Ikinji möwsümde hem Hwan Don Hek režissýorlyk we ýerine ýetiriji prodýuserlik borçlaryny  öz üstüne alar. Täze bölümleriň surata düşüriş işleri şu ýylyň ahyrynda başlar.
“Kalmar oýny” ilkinji gezek 2021-nji ýylyň sentýabr aýynda görkezildi. Filmiň sýužeti adaty bolmadyk diri galmak oýnuny oýnamagy ýüregine düwen,  bir topar umytdan düşen adam hakda gürrüň berýär. Bäsleşige gatnaşyjylaryň ýeňşi üçin 10 million dollar baýrak garaşýar we ýeňlen halatlarynda gahrymanlar janyny bermeli bolarlar.

şu gün 10:45
2.6k+

“Tanyş görünýär”: Samsung iOS 26-nyň täze funksiýalarynyň anonsy üçin Apple-i ýene ýaňsylady

Samsung-yň amerikan bölümçesi iOS 26-nyň tanyşdyrylyşyna seslenip, bäsdeşini ýene ýaňsylamak mümkinçiligini elden bermedi. WWDC 2025 konferensiýasynyň dowamynda Apple täzelenen operasion ulgamlary we emeli aňa esaslanýan täze funksiýalary hödürledi...

şu gün 10:40
2k+

Hytaýda gök reňkli 131 santimetrlik Labubu gurjagy 1,08 mln ýuana satyldy

Hytaýda geçirilen ýazky “Ýunle” onlaýn auksionynda boýy 131 sm bolan gök plastik Labubu gurjagy 1,08 mln ýuana (takmynan, $150 müň) satyldy. Bu gurjak heýkeliniň şu görnüşde ýeke-täk nusgasydyr diýip, “Keçuanban žibao” neşiri ýazýar...

şu gün 10:38
551

Google Chrome täzelenmeleri käbir köne iPhone we iPad modelleri üçin elýeterli bolmaz

Meşhur Google Chrome brauzeri indi köne Apple enjamlarynda täzelenmez. MacRumors portalynyň habar bermegine görä, bu birnäçe iPhone we iPad modellerine degişli bolar. Deslapky maglumatlara görä, geljekki Chrome wersiýalary aşakdaky enjamlary goldamaz: iPhone X; iPhone 8; iPhone 8 Plus; 5-nji nesil iPad; Birinji nesil 9,7 dýuýmlyk iPad Pro; Birinji nesil 12,9 dýuýmlyk iPad Pro...

şu gün 10:35
1.5k+

Repçi Snup Dogg barada baýopik düşüriler

Repçi Snup Dogg özi baradaky filmiň surata düşüriş işlerine gatnaşar. Bu filmde onuň dünýä meşhurlygyna alyp baran ýoly we aýdym-saz pudagyndaky ilkinji ädimleri barada gürrüň berler diýip, Deadline neşiri habar berýär...