“Gremmi” baýragyny gowşuryjy gurama diňe dörediji adamlaryň bu abraýly aýdym-saz baýragyny almaga hukugynyň bardygy baradaky karara geldi. Şeýle çözgüt emeli intellektiň ulanylyş geriminiň giňelmegi sebäpli kabul edildi diýip, www3.nhk.or.jp habar berýär.
Anna güni ABŞ-nyň Ses ýazgysy akademiýasy 2024-nji ýylyň “Gremmisi” üçin resmi düzgünleri we görkezmeleri neşir etdi.
Düzgünlerde “adam awtorlygy bolmadyk eserleriň hiç bir kategoriýada hödürlenip bilinmejekdigi” aýdylýar.
Ses ýazgysy akademiýasynyň baş müdiri ýaş Harwi Meýson akademiýanyň emeli intellektiň kömegi bilen döredilen aýdym-sazy we mazmuny baha bermek üçin hödürlemäge rugsat berjekdigini, ýöne “Gremminiň” diňe awtor adamlara beriljekdigini aýtdy. Ol aýdym düzmek we ýerine ýetirmek kategoriýalarynda işiň köp bölegini adamlaryň ýerine ýetirmelidigini sözüniň üstüne goşdy.
