Fatma Samura ýylyň ahyrynda FIFA-nyň Baş sekretary wezipesinden gider. Bu barada guramanyň saýtyna salgylanyp, sportrbc.ru habar berýär.
Samura 2016-njy ýylyň iýun aýynda bu wezipäni eýeledi, ondan öňki ýolbaşçy Žerom Walke korrupsiýada we etikanyň düzgünlerini bozmakda şübhelenmeler sebäpli wezipesinden aýryldy. FIFA gelmezden öň, BMG-de işlän asly senegally Samura bu wezipede ilkinji aýal we Ýewropa degişli bolmadyk ýurduň ilkinji wekili boldy.
“Men ilki öz habarlarymy indiki hepde FIFA-nyň geňeşiniň agzalary bilen paýlaşmakçydym, ýöne men soňky aýlar wezipäm baradaky gürrüňleriň köpelýändigini bilýärin. Häzirki wagtda men Awstraliýada we Täze Zelandiýada geçiriljek aýallaryň arasynda dünýä çempionatynyň taýýarlygyna we geçirilmegine doly üns berýärin” – diýip, 60 ýaşly Samura belledi.
Samura FIFA-nyň Baş sekretaryň iki orunbasarynyň bolmagyny we täze zenanlaryň futbol diwizionynyň döredilmegini öz içine alan üýtgedip gurmak işine ýolbaşçylyk etdi diýip, Reuters belleýär.
Ýatlap geçsek, mart aýynda FIFA-nyň prezident wezipesine 2016-njy ýyldan bäri gurama ýolbaşçylyk edýän Janni Infantino gaýtadan saýlandy.
