Eýran Russiýa Federasiýasy, Türkmenistan we Katar bilen Pars aýlagynda gaz merkezini döretmegi meýilleşdirýär diýip, Eýranyň nebit senagaty ministri Jawad Ouji habar berdi. Muny interfax.ru ýetirýär.
"Russiýa, Türkmenistan we Katar bilen hyzmatdaşlykda biz Eseluý sebitinde gaz merkezini döretmekçi bolýarys. Taýýarlaýyş çäreleri meýilnamalaşdyryş tapgyrynda" - diýip, "Mehr" Oujiniň sözlerini getirýär.
Ol Tähranyň goňşy ýurtlar bilen söwdany ösdürmegi dowam etdirjekdigini belledi.
Oujiniň aýtmagyna görä, Eýran nebitgaz we himiýa pudaklarynda uly üstünlikleri gazandy. Ol Tähranyň Wenesuelada nebiti gaýtadan işleýän zawodlaryň gurluşygyna gatnaşandygyny ýatlap geçdi.
Ministr dünýäniň sanksiýa täsirine düşmeýän şeýle kärhanalara mätäçdigini we şeýle zawodlaryň gurluşygynyň dürli ýurtlarda dowam etdiriljekdigini belledi.
